تحضير الباتي | طريقة تحضير اكلة الباتي

[نبراس..]

 

ليوم بدي علمكن طريقة عمل الباتي..

1- العجينة:
500غ دقيق + مي + ملح
منخلطن مع بعض طبعا على حسب الكمية..ومنتركن يرتاحو ساعة زمن..

2- الحشو:
تونة + بيض + زيتون + جبنة

منسلق البيض ومنقطعو قطع صغيرة و منحط عليه التونة والجبن و طبعا الزيتون يلي منكون شلنا قلبو..
ومنحط علين شوية زيت..ورشة من قشر الليمون..او نعناع مجفف..

بعد ساعة منجيب العجينة ومنفردها وناخذ 250 غ مارغرين ومنقسمها ع اربع قطع ونحطن فوقهاومنغطيها بالعجين ونصير نفردها ونرجع نطبها عبعض ونرجع نفرد..هيك اربع مرات..
وهاد المرغرين مشان يلي ما بيعرفو ..متل الزبدة هيك اسمو بينباع..







بعدين نفرد العجينة وناخذ كاس او شيئ دائري ومنصير نقطع من العجينة دوائر

او مربعات

وبعدين نجيب بيضة نفقسها باناء ونجيب فرشاية وندهن حاشية العجينة..
ونحط بقلبا شوية من الحشو..
متل هي

وبعدين مناخذ قطعة عجين تانية ونحطا فوقها..

وبعدين نجيب كاسة صغيرة ونضغط فوقهم ليصير الشكل هيك..
وطبعا ندهنا من فوق بالبيض مشان اللون..

او بشكل مربع طبعا بنفس الطريقة..

وبعدا عالفرن عدرجة حرارة 200..
بتبقى شيئ نص ساعة..
المهم لبين ما يصير لونها ذهبي.. وتصير بهالشكل..

بالنسبة للشكل الملفوف..

هاد بتفرد العجينة وتحط الحشو بالطول وبتلفها وبعدين بتقسم قطع ..

ملاحظة: العجينة ما بتطلب عجن بعد ما نضيفلها المارغرين..لان ما عاد تزبط اذا انعجنت..لان هي عجينة مورقة (patte Feuilletée )..
وهلا بقلكن صحتين وعافية..


منقول ولكن احببت وضعه لأني كنت ابحث عن الطريقة فأخبرتني صديقتي عن رابط الموقع الذي فيه الطريقة
واتلباتي اكلة فرنسية لكن موجودة في تونس ايضا

-:مواضيع أخرى تفيدك:-

• طريقة تحضير الروزيتو الايطالى بوراك الدجاج
• طريقة تحضير حلوى أصابع زينب
• طريقة تحضيير طبق الرامن اكلة ناروتو المفضلة
• تارت بالفراولة والقشطة ~::|| طريقة تحضير -مقادير - تارت فراولة ||::~صحا وهنا
• طريقة تحضير مارد من الجن

التوقيع :

[شذى الحور]

هلاآ وسهلا نبراآس ^_^
ماشاء الله شكلهاآ مشهي جدا ..

يسلمو على الوصفة الرائعة ..
ربي يسعدك اختي ..

[monms]

جزاكِ ربي خير اختي
جاري النشر++~

[Miss Alan]

شكرا خيتو ... تسلم ايدك

[نبراس..]

شكرا على المرور
اهلا اخي منير شرفني مرورك الى موضوعي

[R.H.M.S]

مشكورة اختي على الباتي
اذا انا لازم اجربها بعد ما عرفتها
مشكورة على الموضوع واصلي تقدمك

[ريناس]

تسلم يداك اختي
أطباق شهيه
مشكوره على هذا الموضوع

[شغل بنات]

مشكوره

[norhan2000]

[mero252]

تسلــــــــــم الايادى