|
|||||||
| المنتدى الإسلامي العام يحوي قصص وروايات ومواضيع دينية نصية |
|
!~ آخـر 10 مواضيع ~!
|
|
|
|
إضغط على
او
 لمشاركة اصدقائك! |
 |
|
|
أدوات الموضوع |
5.00 من 5
عدد المصوتين: 1
|
انواع عرض الموضوع |
|
|
|
#1
01-27-2013, 01:02 PM
|
|||||
|
|||||
|
ألم تفكري لحظات قليلة وتسألي نفسك!! نعم ألم تفكري في هذا الشخص الذي تحبيه ولا تتحملي ان يصيبه مكروه ألست خائفة عليه تقولي الآن ومم أخاف ؟!! أما تخافي عليه من ان يشتعل عليه نارا في القبر ان تذل قدمه من على الصراط الى جهنم ان يتعذب في نار جهنم ان يكون في نار جهنم .............. صدقيني لو بتحبيه خافي عليه من كل ده ترضي تكوني انتي السبب في اشتعال قبره عليه نارا ترضي تكوني انتي السبب في ان تذل قدمه من على الصراط الى جهنم ترضي تكوني انتي السبب في ان يكون في نار جهنم ترضي تكوني انتي السبب في ان يتعذب في نار جهنم  ركزي معايا كده حبيبتي (( إن الله تعالى يغار وغيرة الله ان تنتهك محارمه واعظم انتهاك لحرمات الله ان تعلق قلبك بغيره)) الراوي: أبو هريرة المحدث: الألباني - المصدر: صحيح الجامع ايوة ربنا بيغير على عباده بيغير اووووي كمان انك تعلقي قلبك بغيره سبحانه وتعالى اقولك حاجة كمان واتركك تفكري فيها (( من احب شئ سوى الله عذب به ولا بد)) وقال تعالى ((وَلَا مُتَّخِذَاتِ أَخْدَانٍ)) النساء:25 يعني إيه دي كمان؟؟ يعني مش مصاحبين, مش بيكلموا ولاد تحت مسمى الحب او الصحوبية لأ, دول محافظين على قلوبهم لأزواجهم فقط, لأن متعة الحرام ولذة الحرام مؤقته, اما لذة الطاعة دااائمة شوفي كده ((ان مشقة الطاعة تذهب ويبقى ثوابها وان لذة المعصية تذهب ويبقى عقابها))  مسألتيش نفسك, ياترى انا ايه عند ربنا دلوقتي وانا بكلم الشاب ده؟؟ يا ترى ربنا راضي عني ولا غضبان؟؟ مسألتيش نفسك لو النبي صل الله عليه وسلم شافك وانتي معاه, هتقوليله ايه؟ ده صاحبي يا رسول الله؟؟ خدي بالك انتي كده بتخوني أهلك وبتخوني ربنا لما تكلمي شاب باليل بغرفتك وتحكمي غلق الغرفة وتتكلمي بصوت منخفض علشان محدش يسمعك ولما تخرجي معاه, انتى كدة كده بتخوني اهلك وبتخوني ربنا لأنه مطلع عليكي وشايفك اقولك حاجة كمان وفكري فيها برده "وَتَحْسَبُونَهُ هَيِّنًا وَهُوَ عِندَ اللَّـهِ عَظِيمٌ " النور:15 أياكي تقولي دي حاجة بسيطة وكل البنات بيعملوا كدة إياكي وتحقير الذنوب يا غاليتي تأملي قول الله " يَوْمَ تُبْلَى السَّرَائِرُ * فَمَا لَهُ مِن قُوَّةٍ وَلَا نَاصِرٍ" الطارق 10:9 تخيلي كده يوم القيامة لما تظهر الخفايا وما أسره الناس في أنفسهم, ويحسبون أن الله لا يعلمه تخيلي يوم يعرض كل ما بداخلك امام الله جل في علاه وامام الخلق؟؟ لكي ان تتخيلي الموقف؟؟ قال تعالى " قال الله " مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ " ق :18 يعني كله متسجل أما تخافين حبيبتي, مش خايفة حبيبتي في الله, مش خايفة من الله وقفتك معاه, كلامك, خروجك, كل رنة, كل رساله . وياترا مين بيكتبها ويسجها في سجل أعمالكِ ؟ ملك الحسنات امملك السيئات . ولو ربنا ناظر ليكي نظرة غضب اتتحمليها غاليتي؟ كيف تتحمليها ؟ يا الله و من منا يحتمل نظرة غضب من الله تعالى؟؟ تخيلي كده معايا, كلامك معاه, رناتك, رسايلك, خروجك حتى الأرض اللي انتي واقفه عليها دي هتشهد عليكي ولا ليكي ؟؟ ونحن اصلا جميعنا لن ندخل الجنة بأعمالنا, لكن سندخل الجنة برحمة الله لنا ولحالنا ................ لسه بتقولي بتحبيه؟!!! لو بتحبيه خافي عليه لو بتحبيه سيبيه لله ولو خير ليكي ربنا هيجمعكوا على خير ولو شر ربنا هيصرفه عنك ويعوضك خيرا مما تركتي صدقيني >>عيد الحب وأعياد المشركين / لـالشيخ : أبو إسحاق الحويني << لسه بتقولي بتحبيه؟!! لو بتحبيه حبيه لله انتي كده سبب انه بتفتن في دينه والله يقول " إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ" البروج :10 عارفه يعني ايه عذاب جهنم يعني شعرة شعرة في جسمكِ هتتحرق ويمسها عذاب نار جهنم انتي لا تتحملي نار من عود كبريت في الدنيا فكيف لك ان تتحملي نار جهنم ونار الاخرة فضلت عن نار الدنيا بسبعين؟؟؟ اتتحملين غاليتي؟؟ >> إلي من ينتظر الحب << اتركيه لله غاليتي عارفة ان ربنا وحشك اوووي ونفسك تقربي اووووي منه وتستشعري حب الله والانس بالله ياااه لو حب ربنا ملأ قلبك يا غالية, مش هتحتاجي لحب تاني هتقولي يكفيني حبك ياااربي يكفيني حبك ياااربي ........... اقتنعتى ولا لسة ؟؟ دى خطوات عملية علشان تقدرى تسبيه لله ثم لله ثم لله *استعيني بالله وعليكي بالدعاء ان يطهر الله قلبك وان لا يجعل في قلبك احد غيره اخيتي *غيري رقم هاتفك وتخلصي من كل شئ يذكرك بهذا الشخص *اشغلي نفسك بالطاعة *ابحثي عن صحبة صالحة تعينك على الطاعة *شاركي بمنتديات اسلامية. ............. صفقة تسبيه وتنجي من عذاب القبر!! تسيبيه ولا تقعي من على الصراط في نار جهنم!! تسيبيه وربنا يعوضك احسن منه!! تسيبيه ولا يشتعل عليكي قبرك!! تسيبيه وتفوزي بحب الله جل وعلا!! ........... ملحوظة اول اسبوع هتحسي انك معذبة تاني اسبوع هتحسي انك ندمانة ثالث اسبوع مع الدعاء والصحبة الصالحة وسماع المحاضرات الدينيه ستحزني عند تذكره وبالتدريج ستندمي على كل يوم جعلتيه جدار بينك وبين الله 
|
| 2 أعضاء قالوا شكراً لـ أم فارس على المشاركة المفيدة: |
|
01-27-2013, 01:03 PM
|
رقم المشاركة : 2 |
|
شكراً: 0
تم شكره 45 مرة في 18 مشاركة
|
رد: عيدالحب.الفلانتين 2013
بتـــــــــحبها؟
طيب ليه بتخلي حبك ليها سبب في غضب ربنا عليها وعليك ؟ بتــــــــحبها ؟ طيب ليه تخليها تشيل ذنوب مش تقدر عليها وانت كمان؟ ليه تعلقها بيك بشاعر وكلام لايجوز بينكم وهي في الاخر مش هتكون ليك كمان وهتكون لحد تاني. ترضى لنفسك كدة؟؟؟؟ هتقول انا بحبها بجد.. مش بضحك عليها .. نفسي ارتبط بيها واتزوجها .. وتكون زوجتي على سنة الله ورسوله بس انا الان مش عندي الامكانيات اللي تساعدني ان اتقدملها واتزوجها وفي نفس الوقت مقدرش ابعد عنها ولا اعيش من غير حبها ووجودها في حياتي هقولك فكر كويس كدة وتـــــــــــــذكر ماعند الله لاينال الا بطاعته ومن ترك شيئا لله عوضه الله خير منه لأن اصرارك على علاقتك بيها وكلام الحب بينكم والخروج سوا انك مش بتطيع ربنا  بتحبها اكتر ولا بتحب ربنا؟؟؟؟؟ لو بتحب ربنا بجد هتسيبها عشان ترضيه هتسيبها لحد ماتكون زوجتك وبينكم حب يرضى عنه الله ورسوله لو بتحبها بجد سيبها والا تكون بتحب نفسك مش بتحبها بتحب تعيش قصة حب وتكلم بنت جميلة من ورا اهلها وتسمع منها وتنظر ليها ............................ وكل دا لايجوووووووووووووووووووووووز
|
|
|
|
| 3 أعضاء قالوا شكراً لـ أم فارس على المشاركة المفيدة: |
|
01-27-2013, 01:03 PM
|
رقم المشاركة : 3 |
|
شكراً: 0
تم شكره 45 مرة في 18 مشاركة
|
رد: عيدالحب.الفلانتين 2013
لو بتحبها سيبها ومش تكون سبب فتنة ليها " ان الذين فتنوا المؤمنين والمؤمنات ............... " بتحبها مش تكون سبب في تعاستها لانها هتفضل تحبك ومتذكراك واي عريس يجيلها هترفضه لانها متعلقة بيك وبتفكر في كلامك وبتقارن بينك وبين اي حد يجيلها ليه ناسي ان كل كلمة بتقولها ليها مسجلة ليك في كتاب وهتتحاسب عليها " مايلفظ من قول الا لديه رقيب عتيد" ليه ناسي انه " كمـــــــــا تدين تدان " مش عارف ان اللي بتعمله معاها دا هيحصل مع اختك او مع من ستكون زوجتك في المستقبل ليه ناسي انه " من ترك شيئا لله عوضه الله خير منه" اتركهـــــــــــــــــــــا وان كانت من نصيبك ومكتوبة لك زوجة ستكون باذن الله "سبحانه اذا قضى امرا فانما يقول له كن فيكون " ماشاء الله كان ومالم يشأ لم يكن وتأكد ان الطيبون للطيبات وان الحب بالفعل وليس بالكلام ان بتحبها بجد افعل الخير خاف عليها ابعد عنها ادعو الله عز وجل ان ييسر الامور وتكون زوجة لك ويكون حبكم بالحلال وفي طاعة الله كدة تنال رضا الله عز وجل وتأكد انه هيرزقك كل خييييييييييير
|
|
|
|
| 3 أعضاء قالوا شكراً لـ أم فارس على المشاركة المفيدة: |
|
01-27-2013, 01:04 PM
|
رقم المشاركة : 4 |
|
شكراً: 0
تم شكره 45 مرة في 18 مشاركة
|
رد: عيدالحب.الفلانتين 2013
بحبها وعايز أسيبها بس لو سبتها هبقى ظلمتها وهبقى أنانى ... بالعكس مين قال إنك لما تتركها لله تكون ظلمتها ؟!! هو مش الوزر عليك وعليها ؟ يعني المكالمة الي بتتكلموها أنت بتاخد عليها سيئات وهي لأ ؟؟!!! طبعا أنتو الأتنين بتاخدوا سيئات طيب لما أنت تقطع العلاقة دي السيئات هتوقف عليك وعليها يبقى أنت كده ظلمتها ولا نفعتها ؟؟ بالعكس بإصرارها على كلامكم كده بتظلمك وبتظلم نفسها بتعريضها لغضب ربنا والذنوب والسيئات عقوبتها مش في الأخرة بس لا في الدنيا قبل الأخرة يعني ممكن بسبب ذنب ربنا يعاقب العبد بمرض أو حادثة أو مصيبة في الدنيا فإستمراركم مع بعض بتظلموا بعض وبتعرضوا نفسكم لغضب ربنا في الدنيا والأخرة {الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ} [الزخرف : 67] عارف مين هو أكبر عدو ليك يوم القيامة ؟ أكبر عدو ليك هو اللي انت كنت سبب في كثير من معاصيه وانت أكبر عدو ليه لأنه كان سبب في كثير من معاصيك. الأنانية إنه عاوز يستمتع بوقته حتى لو على حسابك ! شوف الفيديو ده وانت تعرف مين الأناني فكر في ربنا يعني مين أغلى عندك ويهمك إنك متزعلهوش !! أنت لو قطعت علاقتك بيها يمكن تزعل لكن ربنا هيرضى ولو استمريت ممكن متزعلهاش لكن ربنا هيغضب عليكم أنت بقى هتختار إيه ؟؟؟؟؟؟؟ وقبل ما تختار اسمع الحديث ده ((من أرضى الله بسخط الناس كفاه الله الناس ، ومن أسخط الله برضا الناس وكَّله الله إلى الناس)) صحيح البخاري ومن أرضى الله في سخط الناس رضي الله عنه وأرضى عنه من أسخطه في رضاه حتى يزينه ويزين قوله وعمله في عينه فاهم يعني حتى لو أخترت رضا الشخص ده على رضا ربنا ربنا هيسخط ويجعل الشخص ده يغضب عليك ويسيبك ... يبقى ليه ؟؟ تفتكر أنت تقدر تاخد حاجة أو رزق ربنا مش كاتبه ؟!! أكيد لأ تفتكر ربنا ممكن يحرمك من رزق كاتبه ليك لإنك هتطيعه ؟!! أكيد مستحيل يعني لو هي نصيبك مش هتضيع منك لو سبتها ولو مش نصيبك مش هيبقى عمرها ليك حتى لو استمرت علاقتكم سنيييييين وسنييييين فأوعي تتراجع في قرارك لإن لو تراجعت وقتها لا تلوم إلا نفسك 
|
|
|
|
| 3 أعضاء قالوا شكراً لـ أم فارس على المشاركة المفيدة: |
|
01-27-2013, 01:04 PM
|
رقم المشاركة : 5 |
|
شكراً: 0
تم شكره 45 مرة في 18 مشاركة
|
رد: عيدالحب.الفلانتين 2013
 الحمدلله والصلاة والسلام على رسول الله وعلى آله وصحبه أجمعين جاءت الشريعة بالنهي عن أبواب الشر والإثم ، وحرصت على سد كل ذريعة إلى فساد القلوب والعقول ، والعشق والحب والتعلق بين الجنسين من أعظم الأدواء وأخطر الآفات . يقول شيخ الإسلام ابن تيمية رحمه الله "مجموع الفتاوى" (10/129) : " والعشق مرض نفسانى ، وإذا قوي أثَّر فى البدن ، فصار مرضا فى الجسم : إما من أمراض الدماغ ، ولهذا قيل فيه هو مرض وسواسي ، وإما من أمراض البدن كالضعف والنحول ونحو ذلك "انتهى . ويقول رحمه الله "مجموع الفتاوى " (10/132) : " عشق الأجنبية فيه من الفساد ما لا يحصيه إلا رب العباد ، وهو من الأمراض التي تفسد دين صاحبها ، ثم قد تفسد عقله ثم جسمه " انتهى . ويكفي أن نعلم أن من مضار الحب والعشق للجنس الآخر ، أسر القلب وعبوديته لمحبوبه ، فالحب باب ذل ومسكنة ونصب ، وكفى بذلك مُنَفِّرًا من هذا المرض . والتعلق بالجنس الآخر لا يصيب قلبا ملأه حب الله تعالى ، إنما يصيب قلبا فارغا ضعيفا مستسلما فيتمكن منه ، فإذا قوي واشتد فقد يغلب على حب الله ويخرج بصاحبه إلى الشرك . ولهذا قيل : إن الهوى حركة قلب فارغ . فالقلب إذا فرغ من محبة الرحمن عز وجل وذكره ، والتنعم بمناجاته وكلامه سبحانه ، امتلأ بمحبة النساء ، والتعلق بالصور ، وسماع الغناء . طيب أُريد أن أتحدّث مع فتاة دون كلام فاحش ما هو الحب المسموح به في الإسلام ؟ هل لي أن أكلم فتاتي بشكل خاص أو أكتب إليها وبدون تلميحات جنسية ؟ أم أنني أستطيع أن أقول لها إني أحبك ؟ الحب الجائز هو ما يقع في القلب دون قصد وتعمد مخالفة محرّمة مثل النظر الغير مقصود . أما الكلام والكتابة للفتاة ، فإذا كان يترتب عليه الوقوع في الحرام ، أو يخاف أن يؤدي إليه فلا يجوز . وإن سلوك المسلم لطرق الفتنة هو السبب في وقوعه في حبائل الشيطان ، والشريعة الإسلاميَّة أغلقت بأحكامها العظيمة تلك الطرق وحذَّرت من سلوكها ، وحذّرت كذلك من اتباع خطوات الشيطان . ( يَا أَيُّهَا الَّذِينَ آمَنُوا لا تَتَّبِعُوا خُطُوَاتِ الشَّيْطَانِ ) وممكن الكلام ده يؤدى الى أمور لا يحمد عقباها  واعلم أن الزنا ليس فقط في الفرج ، بل العين تزني ، والأذن تزني ، واليد تزني ، والرِّجل تزني ، كما ثبت ذلك عن النبي صلى الله عليه وسلم ، وكل ذلك تمهيد لزنا الفرْج ، فلا يغرنك الشيطان ، فإنه عدو لك يريد لك الشر والسوء ويأمرك بالفحشاء والمنكر . والمرأة ممنوعة من الخضوع بالقول مع من لا يحل لها ، كما قال سبحانه : ( فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا ) الأحزاب/32. والرجل يحرم عليه أن يتلذذ بكلام المرأة الأجنبية أو بصوتها . والزواج هو الدواء لهذا الداء قال الشيخ محمد بن صالح العثيمين : إذا قُدِّر أن يكون بين الرجل وبين امرأة من الناس محبَّة ، فإن أكبر ما يدفع الفتنة والفاحشة أن يتزوجها ؛ لأنه سوف يبقى قلبُه معلَّقاً بها إن لم يتزوجها ، وكذلك هي فربما تحصل الفتنة . و الإسلام لا يحرم الحب ولا يجرمه ، ولكنه يحرم الاعتداء على الحب بأي صورة من صور الاعتداءات السمعية، والبصرية، واللفظية، واللمسية ، والشمية غير المشروعة. ولذلك أسس الله سبحانه وتعالى البيوت على موجبات الحب من : المودة ، والرحمة واللباس والسكن ، قال تعالى : { وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ } [الروم : 21]. وقد بين رسول الهدى: أن خير الرجال من أمته، ذلك الذي يحب أهله فيقول: [خيركم خيركم لأهله وأنا خيركم لأهلي] رواه الترمذي . والحب الشريف العفيف بين الزوجين يؤدي إلى التوافق النفسي ، الاجتماعي ، والحيوي والبدني ، ويزيل العقبات من طريق الحياة ، وهو يحتاج إلى رعاية دائمة ، ويحتاج إلى دراية علمية وشرعية حتى تستمر شجرته في النمو والازدهار وتثمر الحياة الزوجية السعيدة والاجتماعية المستقرة . والسؤال الآن من يستحق الحب ؟؟ تذكروا أخواني وأخواتي الحب شعور ممتع .. يحتوي قلب الإنسان وعقله .. يبدل الحياة .. يبعث داخلك الدافع والأمل فإذا بادلك محبوبك نفس الشعور كان هذا الحب أجمل ما في حياتك أما إذا وقعت في حب من طرف واحد انقلب إلى شعور كريه بغيض لا يتمناه أو يسعى إليه أحد. ولكننا خُلقنا وفي قلبنا طاقة للحب إذا لم تخرج حرقتنا بنارها ومن يستحق هذا الحب أكثر من خالقه . إن من يستحق الحب هو ..... الله . >> الحب فى الله وليس عيد الحب << أجمل ما في حب الله أنك تستطيع أن تحبه بكل طاقتك وأن تتقرب له ليل نهار فهو لن يمل منك ومن حبك كما يفعل البشر بل سيعطيك أضعاف حبك حبا، ولن يستغل إقبالك عليه ليأخذ منك بل سيعطيك أكثر بكثير مما تعطي أنت. أجمل ما في حب الله أنك تستطيع أن تكشف أمامه ضعفك (وهو أعلم به) وأن تطلب منه الملجأ والسند في كل وقت فهو لن يستغل ضعفك ولن يتخلى عنك. أجمل ما في حب الله أنك تجده معك في كل مكان وفي كل وقت وهو يعرف سرك وجهرك وقتما أردت أن تناجيه تجده هو السميع البصير، تناجيه بالساعات وهو يسمعك، ولو كنت بين الناس وعلت أصواتهم فصوت قلبك عند الله أعلى منهم. >> حكاية الفلانتين /للشيخ /محمود المصرى <<
|
|
|
|
| 3 أعضاء قالوا شكراً لـ أم فارس على المشاركة المفيدة: |
|
01-27-2013, 01:05 PM
|
رقم المشاركة : 6 |
|
شكراً: 0
تم شكره 45 مرة في 18 مشاركة
|
رد: عيدالحب.الفلانتين 2013
أجمل ما في حب الله أنك لا تحتاج أن تنقل له ما تفعله لتثبت له أنك تحبه فإذا ذكرته في نفسك أو في جمعٍ هو يسمعك وإذا فعلت شيئا لوجهه لا يراه أحد هو يراه سبحانه بل يعلم ما لا تعلمه أنت عن نفسك لذا فإنه لا يظلمك أبدا ولا يبخسك حق حبك أبدا. أجمل ما في حب الله أنه سيتسامح معك إلى أبعد الحدود طالما عدت إليه وطلبت السماح ولن يذلك ليسامحك أو يحمل ضغينة تجاهك كما يفعل البشر. أجمل ما في حب الله أنه ليس له نهاية احلى حب هو حب الله وهو الحب الوحيد الحقيقى فى حياتنا ولكن ... هل تريدين أن يحبك الله؟ جواب جميل... فقد قال بعض الحكماء العلماء "ليس الشأن أن تُحِب إنما الشأن أن تُحَب". تريدين الطريقة؟  هذه الصورة مصغرة إضغط هنا لعرضها بحجمها الطبيعي .هذه الصورة مصغرة إضغط هنا لعرضها بحجمها الطبيعي .هذه الصورة مصغرة إضغط هنا لعرضها بحجمها الطبيعي .هذه الصورة مصغرة إضغط هنا لعرضها بحجمها الطبيعي . تقرب إلى الله يحبك الله... قال تعالى في الحديث القدسي: (... ولا يزال عبــدي يتقرب إلي بالنوافل حتى أحبه... )، ومن فازت بمحبة الله فقد سعـدت في الدنيـا والآخرة... قال رسول الله صلى الله عليه وسلم: "إذا أحب الله عبداً نادى جبريل: إن الله يحب فلانا فـأحبوه فيحبـه أهـل السماء، ثم يوضع له القبول في الأرض". قال الحافظ ابن حجر: "المراد بالقبول في حديث الباب: قبول القلوب له بالمحبة والميل إليه، والرضاء عنه، ويؤخذ منه أن محبة قلوب الناس علامة محبة الله". أجل والله أجل إنه ربى خالق كل شئ بحبك له سيتحول كل الكون فى خدمتك يا غاليه " فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ * فَوَقَاهُ اللَّهُ سَيِّئَاتِ مَا مَكَرُوا وَحَاقَ بِآلِ فِرْعَوْنَ سُوءُ الْعَذَابِ" غافر :45:44 
|
|
|
|
| الأعضاء الذين قالوا شكراً لـ أم فارس على المشاركة المفيدة: |
|
01-27-2013, 01:06 PM
|
رقم المشاركة : 7 |
|
شكراً: 0
تم شكره 45 مرة في 18 مشاركة
|
رد: عيدالحب.الفلانتين 2013
 كلامنا النهاردة لكل واحد بيقول انتوا بتكبتوا مشاعرنا ليه ؟؟ انتوا مش عارفين الحب انتوا اصلكوا مدقتوش طعم الحب ....هنقول له انتوا اللى متعرفوش الحب الحقيقى انتوا معرفتوش سهر الليالى الحقيقى معرفتوش اهـات المحبين الحقيقية مع اروع واعظم حب فى الوجود وهو حب ربنا... حب ربنا خلى ناس تعمل ايـه ؟؟ حب ربنا خلى الدموع تنـزل فياضانات من عيون وقلوب اللى حبوا ربنا  يروى ان يحيى بن عيسى : بكى ستون عاماْ من الشوق الى الله هل مرة بكيتى من حب ربنا ولا بكائك كان بسبب ان اللى بتحبيه مش عاوز يكلمكِ او انه زعلان منك انت مره بكيت وقلت يارب متعنى بالنظر الى وجهك الكريم ولا بردو بكائك كان عشان اللى بتحبها مش عايزه تكلمك او زعلانة منك شوفوا (طلحة بن عبيد الله) قبل غزوة احد بيناجى ربنا بيقوله (اللهم خذ من دمـــــى اليوم حتى تــــــــــرضى) انت مره قلت يارب خد من عمرى من روحى من نفسى حتى ترضى.. ولا كل منـاك ان حد تانى يرضى عنك انتى مرة قلتى يارب خد منى كل حاجه خد عمرى كله بس تـرضى عنى .. ولا مناكى ان حد تانى يرضى عنك احد السلف وكان شاب ...كلما ذكر اسم الله تعالى امـامه بكـى فقالت له امه او كلما ذكر اسم الله امامك بكيت فكيف اذا اقبل عليك ربك بوجهه يوم القيامه فسقط مغشيا عليه فقالت امه اوما يستطيع احد ان يذكر ربك امامك ؟ ياااااااااالله لما بيذكر اسم الله امامك او يقرا كلامه بتحس بإيه ؟ بتحسى بإيه ياغالية ؟ جاوب بنفسك حب ربنا خلى ناس تحب اكتر حاجه مكروهه فى الدنيا (المــــــوت) سيدنا معاذ لما كان فى سكرات موته شوف يااخى شوفى يااختى قال ايه (اخنق خنقاْ والله انى احبك) يااااااالله بيحب الموت ....ليه لانه هوه اللى هيوصله لربنا فى ناس ضحت بارواحهم عشان ربنا انت عملت ايه لربنا ؟ عملتـى ايه لربنا؟ انت علشان اللى بتحبها اتحديت كل الناس ..عشانها سافرت بره سنين تشتغل, عشانها غيرت حياتك وطباعك عشان ربنا عملت ايه ؟؟ بتدَّعى حبه ...فين الدليل انتى عشان اللى بتحبيه وقفتى فى وش اهلك والدنيا كلها عشانه ضحيتى بكرامتك, عشان ربنا عملتى ايه ؟!!!  ناس سهرت الليالى تناجى ربنا فى جوف الليل وتذكره وتبكى خشيه وشوق إليه انت سهرت الليالى تتكلم مع حبيبتك !! سهرتى الليالى تبكى علشان حبيبك مش بيكلمكِ سهرتى الليالى تفكري فيه ابن تيميه لما سجن فى قلعة قال لو اعطيتكم ملإ القلعة ذهب ما كافئتكم على مافعلتموه عايز يخلو مع حبيبه يناجى ربه وحده اختى الغاليه اخى الفاضل : كفـــــــى بالله حبيبا شوفوا لما عبد الله بن جحش أصيب بعد معركه احد مفيش ولا حته سليم فى جسمه, ده كله عشان ربنا انت بتضحى عشان بنت طيب وربنا عملتله ايه ؟!! انتوا كده بتظلموا نفسكوا ياشباب لما كل واحد فيكم يجى يوم القيامة الشاب يقولها أنتى اللى ضيعتينى انا كنت عايز التزم واكون انسان كويس انتى اللى ضيعتينى وهى تقوله لا أنت اللى ضيعتنى انا كنت انسانه كويسة كنت ملتزمة كنت بعمل كل اللى يرضي الله أنت اللى ضيعتنى وضللتنى يفضلوا يتبرءوا من بعض ويلوموا بعض لا ياشباب مش عايزين نستنى لما يحصل لنا كده عايزين نفوق من دلوقتى عايزين نشعر بالحب الحقيقى نحب ربنا بجد ميبقاش كلام وبس احد السلف بيقول يارب إن تعذبني فاني لك محب وإن ترحمني فاني لك محب شوفــوا أقوى رحلة قلب مشتاق لربنا سيدنا مـــوســـى لما قال لربنا (وَعَجِلْتُ إِلَيْكَ رَبِّ لِتَرْضَىٰ ) طه:84 وكان كل مره بيكلم ربنا فيها يزداد شوقه الى الله لحد ماخلاص... نفسه يشوف ربنا قاله (وَعَجِلْتُ إِلَيْكَ رَبِّ لِتَرْضَىٰ رَبِّ أَرِنِي أَنظُرْ إِلَيْكَ) الأعراف :143 شوفوا شوقه لربنا أنت عمرك دعيت بقلبك قلت اللهم أرزقنى لذة النظر إلى وجهك الكريم؟ عمركِ دعيتى بكده؟ تعالوا نشـــــــــوف أعظم وأقوى رحلـــــة قلب مشتاق لربنا سيدنا محــــــمــــد ( صلى الله عليه وسلم ) النبى أكتر واحد أشتاق لربنا ليه؟ عشان هو أكتر واحد عرف ربنا صح وأكتر واحد حب ربنا عليه افضل الصلاه والسلام الرسول لما كان بيصلى كان بيبكى تبدأ دموع الشوق تنـزل تبلل لحيته تبلل ثوبه وتنـزل على الارض, دمـوع شوق إلى الله الرسول اخر كلامه قبل ماينام اللهم أسلمت نفسي إليك ، وفوضت أمري إليك ، ووجهت وجهي إليك ، وألجأت ظهري إليك ، رغبة ورهبة إليك ، لا ملجأ ولا منجى منك إلا إليك ، آمنت بكتابك الذي أنزلت ، وبنبيك الذي أرسلت . فإن مت مت على الفطرة ) . صحيح البخاري عايش مع ربنا
|
|
|
|
| الأعضاء الذين قالوا شكراً لـ أم فارس على المشاركة المفيدة: |
|
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
الساعة الآن 09:48 PM
