أجه الصيف وجتي وياه الخاتونة ست بكاية
والكهرباء رمشة عين ما تنقطع الله يستر عليها
على طاري البكاية والكهرباء لكيت شعر عنهن يكول :-
گلت اني ماكو ظوه گالولي أجت وانطفت
گلت اشوكت يا هلي المهجومه ليكم أجت
گالو گبل لا تجي ظلت ثواني ومشت
المهجومه شعلو گلت بانزين گالو گظت
وشويه بگ انتشر بالغرفه وتحاوطت
بگايه ليه أجت فوگ الچتف وكرت
عشگت اچتافي عشگ هالبگه ما قصرت
مرتاحه احس يا أخي وعليه ثق نسمت
خمت اچتوف اشكثر بس مثلي ما ظن لگت
وبثناء هذا الحچي المهجومه هم سيرت
بس گلت اجت يا هلي شو هيه عمي اختفت
ساعتهه اني اعرفت ليش اجت هيه وطفت
ماكو رصيد وعلي وعلينه بس رمشت
والبگه فوگ الچتف كسرت مخده وغفت
قهري المر علي للعين بگ يگ
عراقي وللأسف رديت بگ يگ
ليش ابياذنب يا ناس بگ يگ
طول الليل ياكل أكل بيه
وسلامتكم ..~