ملتقى مونمس ® - مقالب الاطفال

السلام عليكم ورحمة الله وبركاته
كيفكم؟؟
موضوع اعجبني وحبيت انكم تشاركوني فيه

هذا اخر مقلب سواه فيني ( موضوع للأمهـــات

عندي ولد عمره 3 سنين ونص

https://www.5ttt5.net/vb/images/smilies/smile.gif

مبدع عليه مقالب وسوالف غريبه واذا غاب 3 دقايق معناها مسوي شي

طبعا الاحرف عنده 70 بالميه ما ينطقهم https://www.5ttt5.net/vb/images/smilies/confused.gif واذا تكلم شي افهمه وشي ما افهمه

بس افهم كلمة ماما عدل لما ينطقها .. وينطقها بالحالات التاليه فقط ..

1- يخرب او يكسر شي

2- لما يبغا ينام

وله غير كذا يناديني بأسمي يااااااا فـــلانه https://www.5ttt5.net/vb/images/smilies/mad.gif وبعين قويه

هو حبوب و مره حنون وعسوول ويجنن بس مرات ما نتفق مادري ليش

المهم

مره جيته ولقيته جايب كــــــــــومة رمل ويصب فوقها مويه وكل شوي جايبله كوب مويه ويصب وهذا شغلته لما البيت صار كله مويه ورمل .. ناديته طبعا ما يرد علي ( بودي يرد على لو مره وحده ) جيته قلت له يا ماما وش تسوي .. ليش كذا

قالي وهو مشغول برمله ( عثان يطلع سدله ساي) الترجمه ( عشان يطلع شجره شاهي)

https://www.5ttt5.net/vb/images/smilies/mad.gif

يبغا يطلع شجره بنص البيت
عاد انا فهمته وقلت له ما يصير .. ومن هالسوالف طبعا ما عجبه كلامي راح وقعد عالتلفزيون
ولما شلت الرمل عشان انظف الكارثه الى مسويها لقيت الاخ الكريم حاط بنص الرمل اكياس لبتون

https://www.5ttt5.net/vb/images/smilies/confused.gif

حاط اكياس لبتون بنص الرمل ويصب فوقهم مويه عشان تطلع شجرة شاي

https://www.5ttt5.net/vb/images/smilies/confused.gif

لا تعليق

اما اخر مقلبه فيني

جاني للغرفه وانا جالسه بحال سبيلي اشوف ام بي سي https://www.5ttt5.net/vb/images/smilies/rolleyes.gif كنت مبسوووطه

شوي وانه حاط شغله لافها بمنشفه على الطاوله قالى ( خلاث الحين الله يحبه )
قلت يا مااما منو وايش الى بأيدك هذا
قالي بكل ثقه يا ماما انا لوثته عثان الله يحبه ) الترجمه ( انا روشته عشان الله يحبه
بالي ان مروش بسه وله سيارته وله اي لعبه وله حتي الشغاله
لما شلت غطا المنشفه وليتني ما شلتها

لقييت جهازي الابتوب مروشه بمويه وشامبو جونسون حق الاطفال

جهازي انا مروشه ..و مادري مروشه على ايش

جد احترت وش اسوي فيه

لما شافني معصبه وقمت اهاوشه قام يسبلي بعويناته ويقول ( خلاث ماما بيعيني وديبي مثله)يسوي حاله حزين طبعا

يقصد ابيعه هو واجيب جهاز لابتوب جديد انا بصراحه فكرت فيها بس الاكيد ان ما راح احد يشتريه

https://www.5ttt5.net/vb/images/smilies/mad.gif

بعدين كسر خاطري قمت حضنته وقلت له لا تعيدها مره ثانيه طبعا بعد ما وعدته اوديه لأبو ريالين

لما راح من عندي وصل للباب التفت لى وقال بكل ثقه ( خلاث ماما ثامحتك

https://www.5ttt5.net/vb/images/smilies/mad.gif

بوقتها فكرت اربطه بالمروحه وشغلها على 8 او 9 واذا فيه فوق 9 يكون افضل

وش اسوي فيه

هذا غير كل شوي يقول لابوه ( يا بابا غيل ماما ) ( غير ماما

توقعت ساعتها يقوله ابوه لا بابا عيب او يقوله ماما مافى مثلها بهالدنيا او يقوله تخسي انت وجهك

لا ما قال كذا .. ابو الشباب سكت وقام يتبسم
ساعتها حسيت اني شغاله وله كفر سياره يبغا التبديل https://www.5ttt5.net/vb/images/smilies/mad.gif

طبعا زعلت ( على الاب المبتسم ) وظليت لين جاب لى هديه ترضيه .. ونااسه لو كل مره اسويها زعله

اما ولدي .. الى الأن مستمر بسوالفه الغريبه

الله يخليه لى ويهديه https://www.5ttt5.net/vb/images/smilies/smile.gif

اتمنى اشوف تعليقاتكم